Rusiye akimiyeti siyasiy sebeplerden taqip etilgen 277 qırımlını apishanede tuta, olardan 157 qırımtatar halqınıñ vekili ola. Bu aqta arman ayınıñ 15-nde Qırımtatar resurs merkezinde bildirdiler .
Yarımada işğal etilgeninden berli Qırımtatar resurs merkezi 431 siyasiy mabüsni ve cinaiy davalar boyunca taqip etilgenlerni qayd etti, olarnıñ arasında 249 qırımtatar bar.
QRM-nde taqip etilgen qırımlılarnı böyle kategoriyalarğa köre ayıralar:
- mahküm etilgenler ve cezahanede tutulğanlar — 202 (olardan 117 qırımtatar);
- sıñırlavları ya da sınav müddeti olğan — 57 (28 qırımtatar);
- SİZO-da bulunğanlar — 75 (40 qırımtatar);
- azat etilgenler — 61 (36 qırımtatar);
- taqip etilgenler — 36 (28 ⁇ qırımtatar).
"Qırımda siyasiy mabüslerniñ sayısı tez artqanı büyük qasevet doğura. Bir yıl evelsi 334 insan qayd etilgen edi (217 qırımtatar), şimdi ise bu köstergiç yalıñız bir yılda aman-aman 100 yañı adisege arttı. Ve bu, yekâne cedvelden uzaq bir şey. İşğalciler sıq-sıq insan aqqında malümat bermeden onıñ adı, soyadı ya da dava tafsilâtları — yaqalanuvı, apiske alınuvı ya da ükmü aqqında bildire", — dep bildire QRM.
Oraq ayında Rusiye akimiyeti siyasiy sebeplerden taqip etilgen 260 qırımlını apishanede tuta, dep haber etken edi. Olardan 153 qırımtatardır.
Daa evel "KrımSOS" aq qorçalayıcı teşkilâtı, 2024 senesi Qırımda eñ azından 56 qırımlı Rusiye akimiyeti tarafından taqip etilgenini bildirgen edi.
